ישעהYishevah (Isaiah) | |||
Westminster Leningrad Codex | Wiki English Translation / World English Bible | ||
---|---|---|---|
1 | הֵ֥ן לְצֶ֖דֶק יִמְלָךְ ־ מֶ֑לֶךְ וּלְשָׂרִ֖ים לְמִשְׁפָּ֥ט יָשֹֽׂרוּ ׃ | Is 32:1 |
|
2 | וְהָיָה ־ אִ֥ישׁ כְּמַֽחֲבֵא ־ ר֖וּחַ וְסֵ֣תֶר זָ֑רֶם כְּפַלְגֵי ־ מַ֣יִם בְּצָי֔וֹן כְּצֵ֥ל סֶֽלַע ־ כָּבֵ֖ד בְּאֶ֥רֶץ עֲיֵפָֽה ׃ | Is 32:2 |
|
3 | וְלֹ֥א תִשְׁעֶ֖ינָה עֵינֵ֣י רֹאִ֑ים וְאָזְנֵ֥י שֹׁמְעִ֖ים תִּקְשַֽׁבְנָה ׃ | Is 32:3 |
|
4 | וּלְבַ֥ב נִמְהָרִ֖ים יָבִ֣ין לָדָ֑עַת וּלְשׁ֣וֹן עִלְּגִ֔ים תְּמַהֵ֖ר לְדַבֵּ֥ר צָחֽוֹת ׃ | Is 32:4 |
|
5 | לֹֽא ־ יִקָּרֵ֥א ע֛וֹד לְנָבָ֖ל נָדִ֑יב וּלְכִילַ֕י לֹ֥א יֵֽאָמֵ֖ר שֽׁוֹעַ ׃ | Is 32:5 |
|
6 | כִּ֤י נָבָל֙ נְבָלָ֣ה יְדַבֵּ֔ר וְלִבּ֖וֹ יַעֲשֶׂה ־ אָ֑וֶן לַעֲשׂ֣וֹת חֹ֗נֶף וּלְדַבֵּ֤ר אֶל ־ יְהוָה֙ תּוֹעָ֔ה לְהָרִיק֙ נֶ֣פֶשׁ רָעֵ֔ב וּמַשְׁקֶ֥ה צָמֵ֖א יַחְסִֽיר ׃ | Is 32:6 |
|
7 | וְכֵלַ֖י כֵּלָ֣יו רָעִ֑ים ה֚וּא זִמּ֣וֹת יָעָ֔ץ לְחַבֵּ֤ל { ענוים ♦ עֲנִיִּים֙ } בְּאִמְרֵי ־ שֶׁ֔קֶר וּבְדַבֵּ֥ר אֶבְי֖וֹן מִשְׁפָּֽט ׃ | Is 32:7 |
|
8 | וְנָדִ֖יב נְדִיב֣וֹת יָעָ֑ץ וְה֖וּא עַל ־ נְדִיב֥וֹת יָקֽוּם ׃ פ | Is 32:8 |
|
9 | נָשִׁים֙ שַֽׁאֲנַנּ֔וֹת קֹ֖מְנָה שְׁמַ֣עְנָה קוֹלִ֑י בָּנוֹת֙ בֹּֽטח֔וֹת הַאְזֵ֖נָּה אִמְרָתִֽי ׃ | Is 32:9 |
|
10 | יָמִים֙ עַל ־ שָׁנָ֔ה תִּרְגַּ֖זְנָה בֹּֽטְח֑וֹת כִּ֚י כָּלָ֣ה בָצִ֔יר אֹ֖סֶף בְּלִ֥י יָבֽוֹא ׃ | Is 32:10 |
|
11 | חִרְדוּ֙ שַֽׁאֲנַנּ֔וֹת רְגָ֖זָה בֹּֽטְח֑וֹת פְּשֹׁ֣טָֽה וְעֹ֔רָה וַחֲג֖וֹרָה עַל ־ חֲלָצָֽיִם ׃ | Is 32:11 |
|
12 | עַל ־ שָׁדַ֖יִם סֹֽפְדִ֑ים עַל ־ שְׂדֵי ־ חֶ֕מֶד עַל ־ גֶּ֖פֶן פֹּרִיָּֽה ׃ | Is 32:12 |
|
13 | עַ֚ל אַדְמַ֣ת עַמִּ֔י ק֥וֹץ שָׁמִ֖יר תַּֽעֲלֶ֑ה כִּ֚י עַל ־ כָּל ־ בָּתֵּ֣י מָשׂ֔וֹשׂ קִרְיָ֖ה עַלִּיזָֽה ׃ | Is 32:13 |
|
14 | כִּֽי ־ אַרְמ֣וֹן נֻטָּ֔שׁ הֲמ֥וֹן עִ֖יר עֻזָּ֑ב עֹ֣פֶל וָבַ֜חַן הָיָ֨ה בְעַ֤ד מְעָרוֹת֙ עַד ־ עוֹלָ֔ם מְשׂ֥וֹשׂ פְּרָאִ֖ים מִרְעֵ֥ה עֲדָרִֽים ׃ | Is 32:14 |
|
15 | עַד ־ יֵ֨עָרֶ֥ה עָלֵ֛ינוּ ר֖וּחַ מִמָּר֑וֹם וְהָיָ֤ה מִדְבָּר֙ לַכַּרְמֶ֔ל { וכרמל ♦ וְהַכַּרְמֶ֖ל } לַיַּ֥עַר יֵחָשֵֽׁב ׃ | Is 32:15 |
|
16 | וְשָׁכַ֥ן בַּמִּדְבָּ֖ר מִשְׁפָּ֑ט וּצְדָקָ֖ה בַּכַּרְמֶ֥ל תֵּשֵֽׁב ׃ | Is 32:16 |
|
17 | וְהָיָ֛ה מַעֲשֵׂ֥ה הַצְּדָקָ֖ה שָׁל֑וֹם וַֽעֲבֹדַת֙ הַצְּדָקָ֔ה הַשְׁקֵ֥ט וָבֶ֖טַח עַד ־ עוֹלָֽם ׃ | Is 32:17 |
|
18 | וְיָשַׁ֥ב עַמִּ֖י בִּנְוֵ֣ה שָׁל֑וֹם וּֽבְמִשְׁכְּנוֹת֙ מִבְטַחִ֔ים וּבִמְנוּחֹ֖ת שַׁאֲנַנּֽוֹת ׃ | Is 32:18 |
|
19 | וּבָרַ֖ד בְּרֶ֣דֶת הַיָּ֑עַר וּבַשִּׁפְלָ֖ה תִּשְׁפַּ֥ל הָעִֽיר ׃ | Is 32:19 |
|
20 | אַשְׁרֵיכֶ֕ם זֹרְעֵ֖י עַל ־ כָּל ־ מָ֑יִם מְשַׁלְּחֵ֥י רֶֽגֶל ־ הַשּׁ֖וֹר וְהַחֲמֽוֹר ׃ ס | Is 32:20 |
|
« Ch 31 | » Ch 33 |
OPTIONS
CHAPTERS
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66
LEXICON
TEXTS
Greek New TestamentGreek SeptuagintHebrew BibleParallel Gospels
LANGUAGES
Latina
OPTIONS
א | ב | ג | ד | ה | ו | ז | ח | ט | י | כ |
( | b | g | d | h | w | z | x | + | y | k |
ל | מ | נ | ס | ע | פ | צ | ק | ר | ש | ת |
l | m | n | s | ) | p | c | q | r | # | t |
ּ | ֿ | וֹ | וֺ | ִ | ֵ | ֶ | ַ | ָ | ֻ | ְ |
. | , | o | O | i | " | e | a | f | u | : |
ֱ | ֲ | ֳ | ֽ | שׁ | שׂ | % | ||||
E | A | F | | | $ | & | * |